Termiz tumanida qishloq xo‘jaligini modernizatsiya qilish, paxta terimi jarayonlarida mehnat unumdorligini oshirish va ilg‘or texnologiyalarni amaliyotga keng joriy etish maqsadida seminar tashkil etildi.
Tadbirda “SWAN” rusumli zamonaviy paxta terish mashinalari, shuningdek, BOSHIRAN-4MZ-4S, FM WORLD 4MZ-4S va John Deere 9970 texnikalarining imkoniyatlari, ish samaradorligi va kunlik terim quvvati bo‘yicha taqdimot qilindi.
Ishtirokchilar mashinalarning ishlash tartibi va texnik imkoniyatlarini amaliy namoyish orqali ko‘rish imkoniga ega bo‘ldi. Tadbir viloyat qishloq xo‘jaligi korxonalari, klasterlar va fermer xo‘jaliklari vakillari uchun paxta terimida zamonaviy yondashuvlarni keng joriy etishga xizmat qiladi.
