Surxondaryo viloyatida mahalla raislari, xotin-qizlar faollari, yoshlar yetakchilari, nuroniylar va imom-xatiblar ishtirokida Prezident Murojaatnomasi hamda “O‘zbekiston – 2030” strategiyasining mazmun-mohiyati yuzasidan o‘quv-seminar tashkil etildi.
Tadbirda jamiyatda tinchlik va osoyishtalikni mustahkamlash, yoshlarni harbiy-vatanparvarlik ruhida tarbiyalash, mahallalarda ma’naviy-ma’rifiy ishlarni faollashtirish va davlat siyosatining mazmunini aholiga yetkazish masalalari muhokama qilindi.
Seminar yakunida ishtirokchilarning fikr va takliflari kelgusida amalga oshiriladigan ishlarni yanada samarali tashkil etishda muhim ahamiyat kasb etishi ta’kidlandi.
