Muzrabot tumanida “Yangi O‘zbekiston qiyofasi” loyihasi doirasida “Yangi diyor” mahallasida hududni obodonlashtirish hamda infratuzilmani yaxshilash bo‘yicha tizimli ishlar amalga oshirilmoqda. Xususan, mahallaning ichki ko‘chalari toshlanib, asfaltlash ishlari uchun tayyor holatga keltirildi.
Shuningdek, hozirda mahalladan o‘tuvchi asosiy avtomobil yo‘lini asfaltlash maqsadida eski asfalt qoplamasi qirib olinmoqda. Yo‘l chetlari tuproq bilan tekislanib, “Yashil makon” umummilliy loyihasi doirasida ko‘chat ekish ishlari ham izchil davom ettirilmoqda.
