Ijtimoiy tarmoqlarda 2021-yilga qadar milliy haydovchilik guvohnomasini olgan fuqarolar yangi imtihon markazlarida majburiy va bepul qayta imtihondan o‘tkazilishi haqida tarqalgan xabarlar rasmiy idoralar tomonidan inkor etildi.
Ichki ishlar vazirligi Jamoat xavfsizligi departamenti Yo‘l harakati xavfsizligi xizmati bergan ma’lumotga ko‘ra, bunday xabarlar asossiz bo‘lib, amaldagi qonunchilikda haydovchilarni majburiy qayta imtihondan o‘tkazishni nazarda tutuvchi hech qanday qaror yoki tartib mavjud emas.
Shuningdek, IIV Yo‘l harakati xavfsizligi xizmati fuqarolarni faqat rasmiy manbalarga ishonishga, ijtimoiy tarmoqlarda tarqalayotgan tekshirilmagan va yolg‘on axborotlarni tarqatmaslikka chaqirdi.
Rasmiy ma’lumotlarga ko‘ra, 2021&yilgacha haydovchilik guvohnomasini olgan shaxslar uchun hech qanday majburiy qayta imtihon talabi joriy etilmagan.
