Prezidentimizning hududlarni jadal rivojlantirish, aholini xavfsiz va sifatli turar joylar bilan ta’minlash hamda infratuzilmani takomillashtirish bo‘yicha Farmon, qaror va topshiriqlari ijrosi doirasida Surxondaryo viloyatida 2026-yilda ham keng ko‘lamli loyihalar boshlanmoqda.
Xususan, Termiz tumanining “Navro‘z” mahallasida tanlab olingan 26 gektar maydonda barcha zarur infratuzilmalarga ega, ijtimoiy obyektlar, ko‘ngilochar maskanlar hamda savdo va xizmat ko‘rsatish nuqtalarini o‘z ichiga olgan turar joylar kompleksi qurilishi rejalashtirilmoqda.
Tuman hokimi Shuxrat Qalandarov ushbu loyiha uchun tanlab olingan maydonda olib borilayotgan yer ishlari bilan tanishdi. Mas’ullarga loyiha doirasidagi obyektlarni puxta va innovatsion yechimlar asosida takomillashtirish ko‘rsatmalari berildi.
Mazkur loyihaning Termiz xalqaro aeroportiga olib boruvchi yo‘l bo‘yida amalga oshirilishi hududning shaharsozlik qiyofasini yanada rivojlantiradi.
