Aholi xavfsizligini ta’minlash va fuqarolar bilan profilaktika inspektorlari o‘rtasidagi aloqani yanada mustahkamlash maqsadida “Mening inspektorim” zamonaviy raqamli platformasi joriy etildi. Ushbu ilova orqali fuqarolar o‘z mahallasidagi profilaktika inspektori bilan bevosita va tezkor muloqot qilish imkoniyatiga ega bo‘lmoqda.
Platformani yuklab olib ro‘yxatdan o‘tish orqali foydalanuvchilar turli muammolar yuzasidan onlayn murojaat yo‘llashi, favqulodda vaziyatlarda SOS tugmasi orqali tezkor yordam chaqirishi mumkin. Shuningdek, ilovada inspektor faoliyatini xolisona baholash, mahalla hayotiga oid muhim masalalar bo‘yicha so‘rovnomalarda ishtirok etish imkoniyatlari ham yaratilgan.
“Mening inspektorim” platformasi fuqarolarning huquq va manfaatlarini himoya qilish, jamoat xavfsizligini ta’minlash hamda ochiq va shaffof hamkorlikni yo‘lga qo‘yishda muhim raqamli vosita bo‘lib xizmat qilmoqda.
