Yurtimizning barcha hududlarida bo‘lgani kabi Sherobod tumanida ham “Prezident archasi” doirasidagi teatrlashtirilgan bayram tadbirlari boshlandi. Ushbu ezgu tashabbus doirasida tumandagi mehrga muhtoj, ota-ona qaramog‘idan mahrum bo‘lgan 43 nafar bolajonlar uchun quvonch va bayramona kayfiyat tuhfa etildi.
Tadbirda tuman hokimi Usmon Alimov hamda mutasaddi tashkilotlar vakillari ishtirok etib, bolalarga Prezidentimiz nomidan tayyorlangan sovg‘alarni tantanali tarzda topshirdilar. Bayram sahnasida bolajonlarning yuzida tabassum, qalbida esa quvonch va ishonch uyg‘otuvchi mehr-muhabbat va e’tibor muhitini yaratish tadbirning asosiy maqsadi bo‘ldi. Yakunda yangi yil tilaklari yangradi. Yurtimizda tinchlik va barqarorlikni mustahkamlash, taraqqiyot sari dadil qadam tashlash, insoniylik, o‘zaro hurmat va mehr-oqibat tamoyillarini yanada rivojlantirish bundan buyon ham barchamiz uchun ustuvor vazifa ekani alohida ta’kidlandi.
