Angor tumani hududida olib borilgan profilaktik tadbirlar davomida qonunbuzarlik holati aniqlandi. Xususan, “Damas” rusumli avtomashina saloni ko‘zdan kechirilganda, undan jami 30 quti pirotexnika vositalari topildi.
Dastlabki ma’lumotlarga ko‘ra, mazkur pirotexnika vositalarining taxminiy bozor qiymati 1 million 500 ming so‘mni tashkil etadi. Aniqlangan holat yuzasidan tegishli tartibda hujjatlar rasmiylashtirildi.
Qonun talablariga muvofiq, topilgan pirotexnika vositalari keyinchalik ko‘rib chiqish va huquqiy baho berish uchun Angor tumani Ichki ishlar bo‘limiga topshirildi. Huquqni muhofaza qiluvchi organlar tomonidan bu kabi qonunbuzarliklarning oldini olish, fuqarolar xavfsizligini ta’minlash maqsadida profilaktik tadbirlar muntazam ravishda davom ettirilmoqda.
