O‘zbekiston, Qozog‘iston, Qirg‘iziston, Tojikiston va Turkmaniston hukumatlari oliy ta’lim sohasida hamkorlikni kuchaytirish bo‘yicha Bitim imzoladi. Bitimga ko‘ra, ishtirokchi davlatlarning milliy qonunchilik asosida akkreditatsiyadan o‘tgan OTM diplomlari endi mintaqa bo‘ylab o‘zaro tan olinadi. Bu esa fuqarolarga boshqa davlatlarda o‘z mutaxassisligi bo‘yicha ishlash, amaliyot o‘tash, ta’limni davom ettirish huquqini beradi.
Diplomlar oliy ta’limning umumiy malaka talablariga mos kelgan taqdirda tan olinadi, faqat jiddiy nomuvofiqliklar aniqlansa, tan olinmasligi mumkin. Bitimni amalga oshirish uchun har bir davlat vakolatli organini belgilab, bu haqda depozitariyni xabardor qiladi.
