Olimlar tо‘r parda shikastlanishi tufayli ko‘rish qobiliyatini yo‘qotgan bemorlarda ko‘rishni tiklashga yordam beradigan PRIMA nomli noyob mikrochipni muvaffaqiyatli sinovdan o‘tkazdi. Ushbu mikrochip kamerali ko‘zoynak orqali olingan tasvirlarni simsiz qabul qilib, ularni elektr impulslariga aylantiradi va to‘g‘ridan-to‘g‘ri miyaga uzatadi.
Sinov natijalari kutilganidan ham yaxshi bo‘ldi: 32 nafar ishtirokchidan 26 nafari matnni farqlash, krosvord ishlash, hattoki o‘yin o‘ynash darajasida ko‘rish qobiliyatiga erishdi. Eng e’tiborli jihati — bir bemor ko‘r bo‘lib qolishidan avvalgi darajada aniq ko‘ra boshlagan.
Tadqiqotchilar PRIMA mikrochipi 2026-yildan boshlab Yevropada qo‘llanilishi, keyinchalik boshqa davlatlarda ham sertifikatlash rejalashtirilganini ma’lum qildi. Ushbu qurilma ko‘rish imkoniyatini yo‘qotgan insonlar hayotida katta burilish yasashi kutilmoqda.
