Oʻzbekiston sog‘liqni saqlash muassasalarida korrupsiyani kamaytirish va tartib-intizomni mustahkamlashga qaratilgan yangi tizim joriy etildi. Endilikda kasalxonalar, klinikalar hamda tug‘ruqxonalarda maxsus tayyorlangan “maxfiy bemorlar” faoliyat yuritadi.
Ular oddiy bemor sifatida xizmat ko‘rsatish jarayonlarini kuzatib, pora talab qilish, qo‘pol muomala kabi qoidabuzarliklarni aniqlaydi. Barcha holatlar maxsus axloq komissiyasiga yetkaziladi, jiddiy qonunbuzarliklar esa huquqni muhofaza qilish organlariga taqdim etiladi.
Mazkur tizim tibbiyot sohasida shaffoflikni oshirish va bemorlarga ko‘rsatiladigan xizmat sifatini yaxshilashni maqsad qilgan.
