Prezident Shavkat Mirziyoyev ijtimoiy sug‘urta tizimini takomillashtirish bo‘yicha taqdimot bilan tanishdi. Endilikda xususiy sektorda ishlovchi fuqarolarga ham nafaqa to‘lash tizimi bosqichma-bosqich joriy etiladi.
2026-yildan ayollarga homiladorlik nafaqasi, yilning ikkinchi yarmidan esa vaqtincha mehnatga layoqatsizlik nafaqasi Ijtimoiy himoya jamg‘armasi tomonidan to‘lanadi.
Yangi tizimning maqsadi — ayollar va ishchilarning ijtimoiy himoyasini kuchaytirish, shuningdek rasmiy mehnat munosabatlarini rag‘batlantirish. Prezident tizimni raqamlashtirish va nafaqalarni proaktiv tarzda tayinlab to‘lash bo‘yicha topshiriqlar berdi.
