Termiz davlat universitetining mingga yaqin talabalari “Ekologik madaniyat – sog‘lom jamiyat poydevori!” shiori ostida keng ko‘lamli tozalash aksiyasi — ploging tadbirini o‘tkazdilar.
Aksiya davomida talabalar Termiz shahri mahallalari va yo‘l chetlarida chiqindilarni yig‘ish, hududlarni obodonlashtirish va atrof-muhitni toza saqlash ishlarida faol ishtirok etdilar.
Natijada, 5 tonnadan ortiq maishiy chiqindilar maxsus texnikalar yordamida belgilangan joylarga olib chiqib ketildi.
Mazkur xayrli tashabbus yoshlarning tabiatga bo‘lgan e’tiborini, mas’uliyati va fidoyiligini namoyon etadi. Aksiya orqali nafaqat atrof-muhit tozaligiga, balki ekologik madaniyatni shakllantirish va sog‘lom turmush tarzini targ‘ib etishga ham katta hissa qo‘shildi.
