Prezidentimiz tashabbusi bilan “Yangi O‘zbekiston qiyofasi” kirib boradigan tuman va mahallalarda infratuzilma hamda tadbirkorlikni rivojlantirish bo‘yicha keng ko‘lamli ishlar amalga oshirilmoqda. Shu doirada Surxondaryo viloyatida uchta tuman va 30 ta mahallada “Taraqqiyot va yetakchilik maskani” dasturi joriy etilgan.
Viloyat hokimi Ulug‘bek Qosimov Oltinsoy tumani “Yangi qurilish” mahallasida dastur ijrosi bilan tanishdi. Mahalla bosh rejasi asosida infratuzilmani yaxshilash, aholining turmush sharoitlarini oshirish, tomorqadan samarali foydalanish va yangi tadbirkorlik loyihalarini yo‘lga qo‘yish vazifalari belgilab olindi.
Shuningdek, aholining kelgusidagi o‘sishini inobatga olgan holda infratuzilmani modernizatsiya qilish hamda barqaror ish o‘rinlarini yaratish zarurligi ta’kidlandi.
