Viloyatimizning shahar va tumanlarida bir qator yangi obyektlar foydalanishga topshirildi. Ana shunday obyektlar sirasiga Sariosiyo tumanidagi 52-maktab uchun qo‘shimcha binoning foydalanishga topshirilganini aytishimiz mumkin.
1 milliard 350 million so‘m mablag‘ evaziga 120 o‘ringa mo‘ljallab bunyod etilgan yangi o‘quv binosida o‘quvchi-yoshlarning ta’lim-tarbiya olishlari uchun barcha shart-sharoitlar yaratilgan. Muhimi, zamonaviy jihozlangan sinf xonalarda ta’lim-tarbiya sifati va samaradorligini oshirish uchun barcha qulaylik mavjud.
Shu kunning o‘zida Boysun tumanidagi 3-maktabda ham uchun qo‘shimcha bino foydalanishga topshirildi. “Tashabbusli budjet” dasturining 2025-yil 1-mavsumida ajratilgan mablag‘lar hisobidan boshlang‘ich sinflar uchun mo‘ljallangan, qiymati 949,8 million so‘m bo‘lgan qo‘shimcha 90 o‘rinli yangi binoda barcha shart-shaoit va qulayliklar yaratilgan.
