Prezidentimizning hududlarni, jumladan, Surxondaryo viloyatini ijtimoiy-iqtisodiy rivojlantirishga qaratilgan topshiriqlari ijrosi doirasida viloyatda keng ko‘lamli bunyodkorlik ishlari olib borilmoqda.
Shu munosabat bilan viloyat hokimi Ulug‘bek Qosimov ishtirokida videokonferensaloqa shaklida bir qator yangi obyektlar foydalanishga topshirildi. Xusuan, Oltinsoy tumani, “Ekraz” mahallasida 60 o‘rinli 18-Davlat maktabgacha taʼlim tashkilotining yangi binosi foydalanishga topshirildi.
Ochilish marosimida tuman hokimi Bahrom Maxmatrayemov, tuman Maktabgacha va maktab ta’limi bo‘limi boshlig‘i Umidullo Xudoyberdiyev, mahalla faollari, sohaga mas’ul mutasaddilar hamda keng jamoatchilik vakillari ishtirok etdi. Endilikda ushbu hududdagi bolajonlar ham zamonaviy muhitda tarbiyalanish imkoniyatiga ega bo‘ladilar.
