Murojaatlar joyida hal

Aholi va tadbirkorlik subyektlarining murojaatlarini tizimli ravishda qabul qilish hamda ularning muammolarini tezkor hal etish maqsadida doimiy ravishda fuqarolar va tadbirkorlar bilan onlayn muloqotlar tashkil etilmoqda. Surxondaryo viloyati hokimi Ulug‘bek Qosimov Boysun tumani hokimligi studiyasidan videokonferensaloqa orqali navbatdagi onlayn qabulni o‘tkazdi.
Hududiy studiyalar orqali 161 nafar fuqaroning turli yo‘nalishlardagi jami 173 ta, shuningdek, 55 nafar tadbirkorning 60 ta murojaati tinglandi.
Qabul davomida fuqarolarning 34 ta, tadbirkorlarning esa 11 ta murojaati joyida hal etildi.