Kun-u tun xizmatda

Turizm sohasi rivojlanib, sayyohlar oqimini jalb etish maqsadida eʼtiborga molik ishlar amalga oshirilmoqda. Xususan, Sherobod tumani ham ziyorat va ekibyurizm uchun xos va mos hudud. So‘nggi yillarda Sherobod tumanida qator yirik loyihalar amalga oshirilmoqda.Jumladan, Jahon banki mablag‘lari hisobidan moliyalashtirilayotgan “O‘rta shaharlarni kompleks rivojlantirish” loyihasi doirasida “Turizm markazi” barpo etish, “Chorbog‘” qishlog‘ini zamonaviy “Turizm qishlog‘i”ga aylantirish, “Taroqli” mahallasida tunu-kun faoliyat yurituvchi turizm ko‘chasini tashkil etish kabi tashabbuslar rejalashtirilgan. “Iso at-Termiziy” majmuasida viloyat hokimi Ulug‘bek Qosimovga ushbu loyihalar taqdimot qilindi. Tashabbuskorlar hamda hudud va soha mutasaddilari loyihalarning texnik-iqtisodiy ko‘rsatkichlari va kutilayotgan natijalar haqida axborot berishdi.Loyihalarni takomillashtirish, texnik-iqtisodiy asoslarini mukammal ishlab chiqish va istiqbolini oshirish bo‘yicha tegishli tavsiya va topshiriqlar berildi.Taqdimotdan so‘ng, viloyat rahbari majmuani ziyorat qildi.