Maydonga Surxon ming alp kelbatli polvonlari tushdimi, nomi dong taralmay qolmaydi. Kurashlarda Surxondaryodan keladigan polvonlardan hayiqishlari ham bor gap. Andijon viloyatining Xonobod shahrida boʻlib oʻtgan sportning kurash turi boʻyicha Andijon viloyati Prokurori kubogi uchun “Xonobod Open” respublika ochiq turniri ham qatnashchilar uchun ana shunday hayajonga boy boʻldi.
Turnirda surxondaryolik polvonlar ham ishtirok etib, sovrinli oʻrinlarni qoʻlga kiritdilar.Shohista Nazarova barcha raqiblarining kuragini yerga tekkizib, halol yenggan boʻlsa, Komila Qahhorova va erkaklar oʻrtasida Akbar O‘ralovlar ham 2-oʻrin bilan gʻoliblar qatoridan joy oldi.
