Bola dunyoga kelib yurishni boshlaganidanoq toʻp tepishni istaydi. Bu esa futbolga qiziqishning birinchi odimi boʻlsa kerak. Ayni qiziqish bola ulgʻayishi bilan maqsadga aylanadi va sport olamiga qadam tashlashga turtki boʻladi. Ayni qiziqish boʻlmasa, futbolda muvaffaqiyat qozonib boʻlmaydi.
Surxondaryo viloyati futbol akademiyasida qabul jarayonlari boshlab yuborilgan. Imtihonga italiyalik mutaxassis Daniel Andreotzi tashrif buyurdi.
Saralashda 2013-yilda tugʻilgan bolalarning eng iqtidorlilari viloyat futbol akademiyasiga qabul qilinadi. Umid qilamizki, ular yaqin kelajakda milliy terma jamoaning yulduzlari boʻlib shakllanishadi.
