Boysun tuman Kambag‘allikni qisqartirish va bandlikka ko‘maklashish bo‘limi va hamkor tashkilotlar tomonidan tumandagi 39-son umumta’lim maktabida “Bo‘sh ish o‘rinlari mehnat yarmarkasi” o‘tkazildi. Mehnat yarmarkasida tumandagi 90 ta korxona, tashkilot hamda muassasalar o‘zlaridagi mavjud 245 ta bo‘sh (vakant) ish o‘rinlari bilan ishtirok etdi.
Fuqarolarning 55 nafariga o‘zlariga maqbul keluvchi iqtisodiyotning turli sohasidagi ish o‘rinlariga yo‘llanmalar berilib, ishga joylashishiga ko‘maklashildi, shundan 45 nafari yoshlarni tashkil etdi.
Ishtirok etgan 151 nafar bitiruvchi va ishsiz fuqarolarning 10 nafariga kasb-hunarga qayta o‘qitish uchun yo‘llanma berildi. Shuningdek, 33 nafariga mehnatga oid qonunchilik va boshqa yo‘nalishlar bo‘yicha huquqiy maslahatlar berildi.
