Boksni tomosha qilishning ham, ringga raqibga peshvoz chiqishning ham zavqi, hayajoni bor. Bu boks sport turining-da o‘z ishqibozlari borligidan darak. Bokschi mashg‘ulotlarda bilagidagi kuchini chiniqtirsa, ringda toblanadi. Tayyorgarlik qay darajada ekaniga baho beradi.
Termiz shahrining Yakkakurash sport majmuasida boks bo‘yicha “Yangi O‘zbekiston Olimpiya cho‘qqilari” sport musobaqasining hududiy bosqichi bo‘lib o‘tdi. Musobaqa qizg‘in va murosasiz kechdi. Eng kuchli sportchilarning bahslari, zarbalari barcha uchun unutilmas bo‘ldi.
Jarqo‘rg‘on tuman sport maktabining sportchilarining ishtiroki esa e’tirof va olqishlarga sazovor bo‘ldi. Javohir Toshtemirov, Karina Elmuratova, Munisa Zokirova, Jasmina Quvvatovalar shohsupaning eng yuqori pog‘onasidan joy oldi. G‘oliblikni qo‘lga kiritgan sportchilar Prezident Olimpiyadasida ishtirok etish yo‘llanmasini qo‘lga kiritdilar.
