Xalq deputatlari Jarqo‘rg‘on tuman Kengashi deputati Z.Ahmedova tumandagi “Obodguzar” mahallasida aholi bilan uchrashuv olib bordi. Deputat “mahalla yettiligi” xodimlari, mahalliy tadbirkorlar va aholi vakillari bilan oʻtkazilgan suhbat jarayonida mahalladoshlar hayotida keyingi paytda roʻy bergan tub oʻzgarishlar, hudud infratuzilmasini yaxshilashga qaratilgan bunyodkorlik ishlari xususida soʻz bordi.
Uchrashuv yakunida aholining mavjud muammolari bo‘yicha takliflari olindi. Aniqlangan ushbu mahalladagi Taraqqiyot va E’tiqod ko‘chalaridagi muammolarni bartaraf etish bo‘yicha deputatlik nazorati o‘rnatilib, kerakli mas’ullarga deputatlik so‘rovlari chiqarildi.
