Surxondaryo viloyati hokimi Ulug‘bek Qosimov qurilish sohasidagi o‘rganish ishlarini Termiz tumanida barpo etilayotgan “Yangi O‘zbekiston” massivida davom ettirdi. Massiv hududida Termiz pedagogika institutining 1 500 o‘rinli o‘quv binosida jihozlash ishlari, yashil hududlar yaratish, ekilgan daraxt va gul ko‘chatlarini parvarishlash, sanoat zonasi, Amfiteatr, davlat bayrog‘i o‘rnatiladigan maydon, muzey, ko‘p qavatli turar joylar va boshqa ijtimoiy soha obyektlari qurilishi holati o‘rganildi.
Mutasaddilar loyihalar ijrosi va qurilish jarayonlari haqida axborot berdi. Har bir loyihani sifatli va o‘z vaqtida amalga oshirish, infratuzilma hamda kommunikatsiya tarmoqlari bilan to‘liq ta’minlash bo‘yicha vazifalar topshirildi. Shuningdek, tumandagi 11-sonli davlat maktabgacha ta’lim tashkilotini rekonstruksiya qilish ishlari bilan tanishildi. Pudratchining hisoboti tinglanib, ishlarni qisqa muddatda va sifatli yakunlash topshiriqlari berildi.
