Denov tumanining “Yurchi” mahallasida odamlar ishni ko‘zini biladi. Ular dehqonchilig-u bog‘dorchilikning hadisini olishgan. Hozirda tajribalari qo‘l kelib, mo‘may daromad olishmoqda. Ayniqsa, bu borada mahalla “yettiligi” faoliyatining xizmati tahsinga sazovor.
Ushbu mahallalik Nurullo Tursunov tomchilatib sug‘rish orqali tomorqasidan samarali foydalanishni yo‘lga qo‘ygan. Ayni vaqtda anjir va malina mevalari yozning zarrin nuridan g‘arq pishgan. Uzib olingan mevalar zumda mahalliy bozorga chiqarilib, egasiga yaxshigina foyda keltirmoqda. Mahallada Nurullo Tursunov kabi tadbirli fuqarolar ko‘pchilikni tashkil etadi va ular jamiyatimizda eng munosib ibrat namunasi bo‘la oladi.
