Oltinsoy Mo‘minqul mahallasida “Obod xonadon, obod ko‘cha, obod mahalla” mezonlari asosida taʼmirlash, obodonlashtirish va bunyodkorlik ishlari olib borilmoqda.
O‘tgan qisqa davr ichida mahalla aholisini uzluksiz elektr energiya bilan taʼminlash maqsadida 6 kilometr 800 metr kabel tortildi. Bir dona TP 400 transformatori yangi qo‘yildi. TP 160 transformatori zaxiraga olindi. 82 dona beton tayanch ustunlar o‘rnatildi.
Ikki yarim kilometr ichki ko‘chalarga asfalt yotqizildi. Mahalla aholisini toza ichimlik suvi bilan taʼminlash bo‘yicha uch yarim kilometr quvur tortildi.
