Aholining bo‘sh vaqtini mazmunli tashkil etish, ularni jismoniy tarbiya va sportga keng jalb etish maqsadida yurtimizda “Mahalla ligasi” sport musobaqalariga katta e’tibor qaratilmoqda. Muzrabot tumanida ham mahallalar o‘rtasida sport turlari bo‘yicha bellashuvlar o‘tkazildi.
Futbol ishqibozlari maydonga tushib, o‘zaro to‘p surishgan bo‘lsa, stol tennisida ham bellashuvlar qizg‘in kechdi. Voleybolda ham ko‘ngillilarning vaqti unumli o‘tdi. Shaxmat va shashkada oliy vaqt hakamligida aqllar charxlandi. Musobaqalar fuqarolar o‘rtasida sportga bo‘lgan qiziqishini oshirishga, sog‘lom raqobat muhitini shakllantirish va mahallalarda do‘stlikni mustahkamlashga xizmat qildi.
