Bandixon tumanida aloqador tashkilotlar hamkorligida oliy ta’lim muassasalari talaba va bitiruvchilari uchun bo‘sh ish o‘rinlari mehnat yarmarkasi tashkil etildi. Ish o‘rinlari yarmarkasida davlat tashkilotlari, Maktabgacha va maktab ta’limi bo‘limi jami 340 ta bo‘sh ish o‘rinlari bilan ishtirok etdi.
24 nafar oliy ta’lim muassasalari talaba va bitiruvchilari mehnat yarmarkasining o‘zidayoq munosib ish o‘rinlariga joylashish imkoniyatiga ega bo‘ldi. Mazkur mehnat yarmarkasi yoshlarga o‘z mutaxassisliklari bo‘yicha ish topishda, yoshlarni mehnat bozoriga kirishida samarali ko‘prik bo‘lib xizmat qildi va ularning bandligini ta’minlashga yo‘naltirilgan amaliy qadam bo‘ldi.
