Denov tumanida bo‘lib o‘tgan “Tabiat bolalar nigohida” tanlovining viloyat bosqichi bolajonlar uchun unutilmas taassurotlarga boy bo‘ldi. Bolalar ijodiy ishlarini namoyish qilishdi, tabiat haqida o‘z tasavvurlarini ranglar va shakllar orqali ifoda etishdi. Ularning yuzidagi tabassum, ishtiyoq, diqqat va ilhom — barchaga ijobiy kayfiyat ulashdi.
Rang-barang rasmlar, qiziqarli g‘oyalar, mehr bilan chizilgan daraxtlar, gullar, qushlar — bolalar qalbida tabiatga bo‘lgan muhabbat naqadar kuchli ekanining yorqin ifodasidir. Yakunda esa eng yaxshi suratlar mualliflari munosib rag‘batlantirilib, tanlovning finaliga yo‘llanmani qo‘lga kiritdi.
