O‘zbekistonda har yili 600-700 million dollar mablag‘ samaradorligi isbotlanmagan va o‘rganilmagan dorilarga sarflanmoqda. Bunday dorilarning importdagi ulushi 42 foiz. Rivojlangan davlatlar dalillarga asoslangan tibbiyotga tayanib, keng miqyosda o‘tkazilgan klinik tadqiqotlar orqali samaradorligi va xavfsizligi isbotlangan dorilardan foydalanadi.
Sog‘liqni saqlash vazirligiga xalqaro tan olingan manbalarda «samarasiz yoki samarasi o‘rganilmagan» deb topilgan preparatlarni klinik protokollardan chiqarish boshlanadi.
Barcha tibbiyot muassasalari, birinchi galda bolalar shifoxonalarida antibiotiklarni asosli qo‘llash bo‘yicha kompleks reviziya o‘tkaziladi va protokollarga amal qilmagan xodimlarga nisbatan chora ko‘riladi.
Bosh prokuratura retseptli dorilarni noqonuniy sotilmasligi uchun nazoratni ta’minlaydi.
