Ta’lim tizimi jadal rivojlanib bormoqda. Bu jarayonda talabalarning kreativ kom-petensiyasi (yaratuv-chanlik qobiliyati)ni shakllantirish davr talabidir. Innovatsion texnologiyalar esa bu jarayonni samarali tashkil etishning asosiy vositalaridan biri hisoblanadi.
Kreativ kompetensiya talabalarning yangicha fikrlash, muammolarni xilma-xil va original usullar bilan hal qilish, yangi g‘oya va innovatsiyalarni ishlab chiqish qobiliyatini o‘z ichiga oladi. Bunday kompetensiya zamonaviy mehnat bozorida talabalarning raqobatbardoshligini oshirishga yordam beradi.
Innovatsion texnologiyalar zamonaviy ta’limda katta imkoniyatlar yaratadi. Ular axborot-kommunikasiya texnologiyalari (AKT): kompyuterlar, planshetlar, smartfonlar va internet orqali talabalarga keng axborot resurslaridan foydalanish imkonini beradi. Masalan, onlayn kurslar, vebinarlar, virtual laboratoriyalar va ta’lim portallari orqali talabalar bilimlarini mustahkamlaydi.
Multimedia texnologiyalari bo‘lmish videolar, audiomateriallar, interfaol taqdimotlar va simulyatsiyalar orqali talabalarga o‘quv materiallarini ko‘rgazmali va qiziqarli tarzda yetkazish mumkin. Bu ularning o‘quv jarayoniga qiziqishini oshiradi.
Virtual va qo‘shimcha reallik texnologiyalari esa virtual va qo‘shimcha reallik (VR va AR) vositalari yordamida talabalar haqiqiy hayotga yaqinlashtirilgan shart-sharoitlarda o‘quv materiallarini o‘rganishi mumkin. Bu ularning kreativ fikrlash qobiliyatini rivojlantiradi.Shuningdek, mashinali o‘qitish va sun’iy intellekt yordamida talabalarning o‘quv jarayonini individuallashtirish mumkin. Bu ularning o‘qish jarayonidagi muammolarni tezroq va samarali hal qilishga yordam beradi.
Talabalarda innovatsion texnologiyalar asosida kreativ kompetensiyani shakllantirish zamonaviy ta’limning asosiy maqsadlaridan biri hisoblanadi. Innovatsion texnologiyalar orqali talabalarning yaratuvchanlik qobiliyatini rivojlantirish, ularning zamonaviy mehnat bozorida raqobatbardoshligini oshirish mumkin. Shunday ekan, ta’lim jarayonida innovatsion texnologiyalardan samarali foydalanish va ularni o‘quv jarayoniga integratsiya qilish muhim ahamiyatga ega.
Bekzod Norqulov,
Denov tadbirkorlik va pedagogika instituti o‘qituvchisi
