Loyiha ishga tushdi

Oltinsoy tumanidagi Tog‘ay Murod mahallasida “Obod xonadon, obod ko‘cha, obod mahalla” mezonlari asosida obodonlashtirish, bunyodkorlik ishlari amalga oshrilmoqda. Aholi tomorqalarini sug‘orish tizimini yaxshilash maqsadida Chilmirob daryosidan 1,1 kilometr masofaga 325 diametrdagi quvur tortilib, suv chiqarildi va maxsus havzaga quyildi.
Endilikda bu havzadan yana 900 metr uzoqlikdagi yer maydonlariga ham suv chiqariladi. Ayni loyihaning birinchi qismi ishga tushirildi. Shu munosabat bilan tashkil etilgan tadbirda tuman hokimi Bahrom Maxmatrayemov so‘zga chiqib, mazkur obyektni qurilishida faol ishtirok etgan “Limonzor qurilish invest” MCHJ raisi A. Mamataliyev rahbarlik qilayotgan quruvchilarga minnatdorlik bildirildi.