8 nafar ishsizning bandligi ta’minlandi

Sho‘rchi tumanidagi “Qoraariq” mahallasida “Best Faxr Mebel” korxonasi tomonidan zamonaviy uslubda, sifatli mebellar ishlab chiqarish yo‘lga qo‘yildi
Salkam 10 sotix yer maydonida qurilgan mazkur korxonaning yillik ishlab chiqarish quvvati 950 million so‘mni tashkil qiladi. Ishlab chiqarilgan mahsulotlarni ichki bozorga sotish hamda qo‘shni davlatlarga eksportni amalga oshirish reja qilingan.
“Best Faxr Mebel” korxonasi tomonidan asosan yog‘och, plastmassa, temir va qamishdan, novdadan, bambukdan, yoki shu kabi materiallardan tayyorlangan mebel mahsulotlari ishlab chiqarilmoqda. Ushbu korxona faoliyat boshlashi natijasida 8 ta yangi ish o‘rni tashkil etildi.