Tennischilarimiz ham ilgʻor

Farg‘ona viloyatida stol tennisi bo‘yicha U-11 yosh toifasidagi o‘smirlar va qizlar o‘rtasida O‘zbekiston chempionati bo‘lib o‘tdi. Mamlakatimizning turli hududlaridan yig‘ilgan iqtidorli sportchilar ishtirok etgan ushbu musobaqa yuqori darajadagi raqobat ruhida o‘tdi.
Quvonarlisi, chempionatda Surxondaryo viloyatining Uzun tumani sport maktabi tarbiyalanuvchisi Asliddin Alijonov faxrli 2-o‘rinni qo‘lga kiritdi. Yosh sportchining bu yutug‘i nafaqat tuman, balki viloyat sport faxriy ro‘yxatiga munosib hissa bo‘ldi.