Yurtimizda ta’lim tizimida, shuningdek, yosh avlodning kasb-hunar, til o‘rganishida zaruriy chora-tadbirlar belgilab olingan. Va amalda e’tiborga molik ishlar amalga oshirilmoqda. Natija va sa’y-harakatlar esa qisqa vaqtda o‘z mevasini berishi shubhasiz.Viloyat hokimi Ulug‘bek Qosimov Jarqo‘rg‘on tumanida bo‘lib, 2-sonli politexnikumda Termiz davlat universiteti tomonidan amalga oshirilayotgan namunaviy loyiha bilan tanishdi. Loyihaning samarali tashkil etilgani qayd etildi va boshqa muassasalarda ham shu tarzda ish tashkil etish topshirig‘i berildi.
Shundan so‘ng, hokim Denov tumanidagi Hazarbog‘ politexnikumiga tashrif buyurib, u yerda Termiz muhandislik va agrotexnologiyalar universiteti hamda “Turonbank” hamkorligida limonchilikni rivojlantirish borasida amalga oshirilayotgan ishlar bilan tanishdi. Shuningdek, uchastkada gul va daraxt ko‘chatlari yetishtirish tajribasini oshirish borasida tavsiyalar berildi.
