Harbiyni mashg‘ulotlar toblaydi. Shijoatini, mahoratini oshiradi, tomiridagi qonini toshirib, yuragida otash-olov yoqadi. Ana shunday harbiylarimiz borligi uchun ham bugun tinch va osoyishda Vatanda shukrona ila yashayapmiz. Mashg‘ulotlarda raqobat bo‘lsa, tayyorgarlik yanada kuchli bo‘ladi.
Termiz shahrida joylashgan harbiy qismda bo‘tkazilgan “Shijoat va gʻayrat” deb nomlangan harbiy-sport musobaqasi ham ana shunday raqobat maydoni vazifasini o‘tadi. Unda Yoshlar ishlari agentligi, Davlat xavfsizligi xizmati, Mudofaa va Sport vazirliklari xodimlari, keng jamoatchilik vakillari, mahalla yoshlari ishtirok etdi.
Musobaqa shartlariga koʻra, mahallalarda istiqomat qiluvchi 18-22 yosh orasidagi Oʻzbekiston fuqarolari ishtirok etib, 7 ta shart asosida bellashishdi. Ishtirokchilar turnikda tortildi, oʻquv qoʻl granatasini uzoqlikka uloqtirishdi. Qolaversa, uzoq va qisqa masofaga yugurishda ham o‘zlarini sinab ko‘rdilar.
Eng qiziqarli shart AK-74 (Kalashnikov avtomatini) notoʻliq qismlarga ajratish va yigʻish bo‘ldi. Merganlar bellashuvi (Pnevmatik quroldan oʻq uzish) bilan musobaqa yo‘nalishlarda tashkil etildi.
G‘oliblar keyingi bosqichga yo‘llanmani qoʻlga kiritishdi.
