Termiz shahridagi 16-maktabda asosiy fan olimpiadasining respublika bosqichi o‘z ishini boshladi. Olimpiadaning tantanali ochilish marosimida rasmiy mehmonlar, ta’lim sohasi vakillari, pedagoglar hamda ishtirokchilar qatnashdi. Tadbirda so‘zga chiqqan mutasaddilar ushbu olimpiadaning mamlakatimiz ta’lim tizimidagi ahamiyati, iste’dodli yoshlarni kashf etish va ularni rag‘batlantirishdagi o‘rni haqida to‘xtalib o‘tishdi.
Respublikamizning barcha hududlaridan saralangan iqtidorli o‘quvchilar uchun ayni vaqtda o‘zbek tili, rus tili va adabiyoti fanlari bo‘yicha yozma ish sinovlari o‘tkazilmoqda. Bellashuvlar adolatli va shaffof o‘tishi uchun barcha zarur sharoitlar yaratilgan. Olimpiadaning barcha jarayonlari onlayn tarzda yoritilib borilmoqda.
