Termiz shahrida “Navro‘z” umumxalq bayrami keng nishonlanmoqda. Bayramga qoʻshni davlatlardan ham mehmonlar tashrif buyurib, yurtdoshlarimiz quvonch-u hayajoniga sherik boʻlishmoqda. Tojikiston Respublikasidan tashrif buyurgan mehmonlar viloyatimiz hokimi Ulug‘bek Qosimov va Xatlon viloyati hokimi o‘rinbosari Fayzullozoda Zarobiddin Qudrat boshchiligidagi Tojikiston delegatsiyasi Termizdagi “Yoshlar va turizm” ko‘chasi bilan tanishdi.
Shundan so‘ng “Mustaqillik” maydoni yonida joylashgan “Boqiy shaharcha” turizm majmuasi va musiqali favvoraning tantanali ochilish marosimi o‘tkazildi. Eski Termiz arxitekturasi va maketi asosida barpo etilgan bu turizm shaharchasi shaharning boy tarixi va madaniy merosini yaqindan o‘rganish imkonini yaratadi.
Tadbirda mehmonlar viloyatda amalga oshirilayotgan loyihalarni va ularning sayyohlik salohiyatini yuksaltirishdagi ahamiyatini yuqori baholadi. Shuningdek, musiqali favvora shaharning yangi dam olish maskani sifatida uning ko‘rkini yanada oshiradi.
