Endilikda o‘quvchilarni kasb-hunarga o‘qitishda umumiy o‘rta ta’lim muassasalari bilan tadbirkorlar va hunarmandlarning o‘zaro hamkorligi yo‘lga qo‘yiladi. Bu borada Hukumatning joriy yilning 11-fevralida qabul qilingan 78-sonli qarori bilan tegishli Nizom tasdiqlandi.
Nizom, jumladan, umumiy o‘rta ta’lim muassasalari va tadbirkorlar o‘rtasidagi hamkorlik yo‘nalishlari, umumiy o‘rta ta’lim muassasalari o‘quvchilarni kasb-hunarga o‘qitishni tashkil etish tartibi, tadbirkorlar tomonidan maktablarda kasb-hunar to‘garaklarini tashkil etish asoslari hamda umumiy o‘rta ta’lim muassasalarining bo‘sh turgan binolarini tadbirkorlarga ijaraga berishda umumiy o‘rta ta’lim muassasasi va tadbirkorlarning majburiyatlarini nazarda tutadi.
Kasb to‘garaklariga kasbga qiziqishi bo‘lgan 7–11-sinf o‘quvchilari jalb etiladi. 2025-yildan 8-sinf o‘quvchilari uchun sanoat, ishlab chiqarish, xizmat ko‘rsatish, agrotexnologiya sohalaridagi korxona va tashkilotlarga ekskursiyalar tashkil etiladi.
2024/2025-o‘quv yili yakunigacha maktablar bitiruvchilarini egallaydigan kasb-hunari bo‘yicha amaliy imtihondan o‘tkazish va ularga elektron sertifikat berish tartibi joriy etiladi.
Date:
Tavsiya qilamizRelated
Chiqindidan elektr energiyasi
Surxondaryo viloyatida chiqindilarni qayta ishlash va ulardan energiya olishga...
Farzandlarimiz xavfsizligi uchun
Jarqo‘rg‘on tumanining Alisher Navoiy mahallasi “Ibn Sino” ko‘chasida mahalla...
“Navoiyni anglash — o‘zlikni anglash”
Ayni mavzusidagi respublika insholar tanlovining Surxondaryo viloyat bosqichi bo‘lib...
10 gektar tutzor aholiga bo‘lib berildi
Termiz tumanining "Sabzipoya" mahallasida 10 gektar maydonda 30 ming...
