Surxondaryoliklar ikkinchi

Sportning futbol turini ommalashtirish, do‘stlik aloqalarini yanada mustahkamlash, yoshlarni yanada ko‘proq qamrab olish maqsadida Denov tumanida eshitishida nuqsoni bor bolalar o‘rtasida sportning mini futbol turi bo‘yicha viloyat chempionati o‘tkazildi.
Musobaqada Tojikiston Respublikasi jamoasi bilan birgalikda respublikamizning turli hududlaridan tashrif buyurgan jamoalar ishtirok etdi. Musobaqa futbol ishqibozlari kutganidek, qiziqarli, murosasiz kurashlarga boy bo‘ldi. Jamoalar raqib jamoaning darvozasiga to‘p kiritib, g‘olib bo‘lish uchun kurashdilar. Natijalar esa jamoalarni qanoatlantirish bilan birga o‘z oldilariga katta maqsadlarni qo‘yishiga xizmat qildi.
Uchinchi o‘rinni yurtimizga tashrif buyurgan mehmon jamoa qo‘lga kiritgan bo‘lsa, surxondaryoliklar esa ikkinchi bo‘lishdi. G‘oliblik shohsupasiga esa Buxoro viloyati jamoasi chiqdi.