Mahorat darslari tashkil etildi

Talaba bo‘lish har bir yoshning orzusi. Ayniqsa, oliygohning tajribali, salohiyatli professor-o‘qituvchilari saboq berishi yoshlarning o‘qib o‘rganishga bo‘lgan ishtiyoqlarini yanada oshiradi. Maktabda o‘qib yurgan yoshlarga oliygohning ana shunday professori saboq bersa bormi, ularning fanga, ertangi kuniga qiziqishi kuchayishi aniq. Ayni jihatlarni hisobga olgan holda Surxondaryo viloyati hokimining tashabbusi bilan Oltinsoydagi qator maktablar Termiz davlat universitiga biriktirilgan. Tumandagi maktablarda bo‘lgan professor-o‘qituvchilar tomonidan mahorat darslari tashkil etildi.
Shuningdek, tumandagi 49-sonli maktabning 11-sinf o‘quvchilari bilan kasbga yo‘naltirish masalalari bo‘yicha davra suhbati ham o‘tkazildi. Tadbir davomida maktabning kutubxona fondiga kitoblar sovg‘a qilinib, a’lochi va kitobxon o‘quvchilariga esdalik sovg‘alari ulashildi.