Termiz davlat universiteti mezbonlik qilgan kurash bo‘yicha “Universiada—2025” sport musobaqasining hududiy bosqichida viloyatimiz OTMning 200 nafarga yaqin talabalari o‘zaro bellashishdi. E’tiborli tomoni 7 ta vazn toifasida gilamga tushgan sportchi yigitlarimiz 5 ta vazn toifasi bo‘yicha respublika bosqichi yo‘llanmasini qo‘lga kiritishdi.
Kurashchi qizlarimiz ham 8 ta vazn toifasidan gilamga tushib, 7 tasida viloyatimiz sharafini himoya qiladigan bo‘lishdi. Puxta tayyorgarlik ko‘rishni ko‘ngliga tukkan yoshlarimizning so‘zida va ko‘zida qat’iyat va shasht sezilib turibdi. Umid qilamizki, ular davomli muvaffaqiyatlarni qayd etishadi. Ma’lumot o‘rnida, kurash bo‘yicha “Universiada—2025” sport musobaqasining respublika — final bosqichi Qarshi shahrida bo‘lib o‘tadi.
