Grant bilan AQSHga

Prezident maktablari ochilib, har yili munosib oʻquvchilar saralanadi. Maktabda oʻzgacha muhim, alohida oʻquv dasturi asosida oʻqitilishi esa natija qanday boʻlishiga kishini qiziqtirishi aniq. Ammo ushbu maskandan umidimiz katta. Natija esa uzoq kuttirmagani quvonchli hodisa boʻldi.
Termiz shahridagi Prezident maktabining 11-sinf oʻquvchisi Abroriddin Holliyev buni oʻz bilim va mahorati bilan isbotladi. U New York shahridagi “Hobart and William Smith Colleges” oliygohiga 268 000 AQSh dollari miqdoridagi 100 foizlik grant asosida oʻqishga qabul qilindi.
Koʻramiz, kuzatamiz, umid qilamizki, Prezident maktablaridan Abroriddin kabi juda koʻplab bilim-salohiyati yuqori yoshlar yetishib chiqadi.