Suyultirilgan gaz to‘ldirish shoxobchasi yana bittaga ko‘paydi

Isteʼmolchilarga suyultirilgan gaz yetkazib berish muddatlarini qisqartirish va gaz ballonlarni tashish quvvatlarini oshirish maqsadida Termiz tumani «Qoraxon» mahallasi hududida gaz ballonlarni to‘ldirish shaxobchasi ishga tushirildi.
Ushbu GTSH bir kunda 15,4 tonna, bir oyda 400 tonna suyultirilgan gazni tarqatish quvvatiga ega bo‘lib, Termiz tumanining 14 mahallasidagi 12,1 mingta va Jarqo‘rg‘on tumanining 5 ta mahallasidagi 3,7 mingta xonadonga belgilangan muddatlarda suyultirilgan gaz ballonlarini yetkazib berish imkoniyatini yaratadi.
Shuningdek, stansiyada xodimlar uchun ham zarur sharoitlar yaratilgan. Bungacha esa Termiz tumanida bitta GTSH faoliyat yuritib kelayotgan edi.