Bir mahallada ikki loyiha “g‘olib”

Har doim ishxonamga ketaturib, yo‘lda kutubxonaning rekonstruksiya qilinayotganini ko‘rsam, ushbu loyiha qurilishiga men ham ovoz berganimni o‘ylab quvonaman. Ovozingiz qandaydir ahamiyatga ega bo‘lsa, bu ham kishiga rag‘bat bo‘larkan. Albatta, “Tashabbusli byudjet” loyihasida har bir ovoz muhim ahamiyatga ega. Loyihangiz g‘olib bo‘lsa, kerakli mablag‘ bilan ta’minlanasiz. U yog‘i muammo hal etilib, yoshlar, xususan aholi uchun munosib shart-sharoitlar yaratila boshlanadi.
Oltinsoy tumanidagi “Xalqobod” mahallasi ham “Tashabbusli byutjet”ga o‘z loyihalari bilan ishtirok etdi. Buni qarangki, ikkita loyiha ham g‘olib bo‘lib, moliyalashtiriladigan bo‘ldi. Birinchi navbatda mahallaning 7,4 kilometr ichki yoʻllariga asfalt yotqizildi. Pudratchi tashkilot tomonidan asfalt yotqizish ishlari toʻliq bajarildi.