Farzandlarimiz multfilm tomosha qilishni yoqtirishadi. Shunday ekan, ular tomosha qiladigan multfilmlar mazmunli, foydali, ularning tarbiyasiga ijobiy ta’sir ko‘rsatmog‘i lozim. Ana shundagina multfilmlardan ko‘zlangan maqsad o‘zini oqlagan bo‘ladi. Ko‘plab ijodkor va kreativ yoshlarning mehnat mahsuli Yoshlar ishlari agentligi tashabbusi bilan tayyorlangan “Bek va Lola” animatsion multfilmi bog‘cha bolalarining sevimli qahramonlariga aylanib ulgurgani quvonchli hodisa bo‘ldi.
Ushbu animatsion multfilm viloyatimizning barcha MTTlarida faoliyat jarayonlarida keng qo‘llanilmoqda. Birgina misol, hozirda Termiz shahrida joylashgan 28-davlat maktabgacha ta’lim tashkilotida bolajonlar sevimli qahramonlari bilan mashg‘ulot olib bormoqdalar. Ushbu loyihaning asosiy maqsadi milliy kontentni yanada rivojlantirib, kreativ g‘oyalar orqali bolalarga milliy qadriyatlar, ta’lim, sog‘lom hayot tarzi va vatanparvarlik kabi tushunchalarni o‘rgatishni o‘z ichiga olgan.
