Sayohat insonga ma’naviy-estetik zavq, xordiq bag‘ishlashi bilan birga kelgusi orzu va maqsadlarimizga, rejalarimizga ham ta’sir etadi. Bir so‘z bilan aytganda, motivatsiya beradi. Termiz shahridagi Prezident maktabi o‘quvchilarining Termiz tumanida joylashgan Qorabayir otlari mahorat maktabiga uyushtirgan sayohati ham ana shunday ahamiyat kasb etdi.
Sayohat bahonasida o‘quvchilar kamondan otish hamda ot sporti turlari bo‘yicha amaliy mashg‘ulotlarda ham qatnashdi. Tashrif davomida, ushbu mahorat maktabi direktori podpolkovnik Dilmurod Taxirovich hamda oʻquv-tarbiyaviy va yoshlar bilan ishlash boʻyicha direktor oʻrinbosari Akmal Bobonazarovich o‘quvchi-yoshlarga otni egarlash, ot minish hamda kamondan otish san’ati borasida dastlabki ko‘nikmalarni berib o‘tdi.
