TerDU “Xalqaro arxeologiya maktabi” loyihasiga mezbonlik qilmoqda

Oliygohning majlislar zalida 8 ta davlatning bakalavr, magistr, aspirant va yosh arxeolog olimlarini jamlagan tadbirning plenar majlisi bo‘lib o‘tdi. Ishtirokchilar joriy yilning 6-oktyabr sanasiga qadar, Termiz davlat universiteti bazasida ilmiy- tadqiqot ishlarini olib borishadi.
Markaziy Osiyo tadqiqotlari xalqaro instituti, Termiz davlat universiteti, Samarqand arxeologiya instituti, O‘zbekiston Respublikasi fanlar Akademiyasi milliy arxeologiya markazi, Tatariston Respublikasi fanlar Akademiyasi, Termiz arxeologiya muzeyi hamda Qozon federal universiteti hamkorligida tashkil etilgan loyiha doirasida Rossiya, Qirg‘iziston, Qozog‘iston, Pokiston, Xitoy, Misr, Bolgariya davlatlaridan arxeolog tadqiqotchilar ishtirok etishmoqda.