Elektron navbat asosida…

Salomatligimiz uchun har doim qayg‘uramiz. O‘z navbatida, tibbiy yordam olish konstitutsion huquqimiz. Qolaversa, yurtimizda tibbiyot sohasiga alohida e’tibor qaratilib, aholi salomatligini asrash, kasalliklarni barvaqt aniqlash uchun bor imkoniyatlar ishga solinmoqda.
Fuqarolar tibbiy yordamni elektron navbat asosida bepul olish huquqiga ega ekanligi ham eng yaxshi qulaylik bo‘ldi. Bu borada qabul qilingan Qarorga ko‘ra, 2025-yil 1-iyuldan davlat tibbiy sug‘urtasi mexanizmlari joriy etilgan hududlarda Jismoniy shaxslardan olinadigan daromad solig‘i yoki ijtimoiy soliq to‘lovchilar, Soliq kodeksiga muvofiq mehnat stajini hisoblab chiqarish uchun belgilangan miqdorlarda soliq to‘lagan shaxslar, voyaga yetmaganlar, ta’lim tashkilotlari o‘quvchi-talabalari, homilador ayollar va ikki yoshga to‘lmagan bolasini parvarishlayotgan shaxslar, mehnat organlarida ishsiz sifatida rasmiy ro‘yxatdan o‘tganlar, davlat pensiyasini oluvchilar hamda “Ijtimoiy himoya yagona reyestri” axborot tizimi orqali kam ta’minlangan deb e’tirof etilgan oilalarning a’zolari tuman (shahar) va hududiy darajadagi tibbiyot muassasalarida rejali stasionar tibbiy yordamni elektron navbat asosida bepul olish huquqiga ega bo‘ladi.
2027-yil 1-yanvardan so‘nggi bir yil davomida kamida 6 oy jismoniy shaxslardan olinadigan daromad solig‘i yoki ijtimoiy soliq to‘laganlar uchun davlat tibbiy sug‘urtasi tizimida yuqori texnologik tibbiy yordam bepul amalga oshiriladi.