“Adliya kuni”da…

Huquqiy maslahatga ehtiyoj sezdikmi, huquqshunos qabuliga yozilamiz. Faqat mutaxassisgina to‘g‘ri yo‘l ko‘rsata oladi. Aks holda huquqlarimizni bilmay, muammoga qanday yondashishga qiynalishimiz aniq.Qumqo‘rg‘on tumanidagi “G‘alaba” mahallasida “Adliya kuni” hamda “Huquqiy targ‘ibot kuni” tadbirlari o‘tkazildi. Tadbir davomida sayyor qabul o‘kazilib, fuqarolar tomonidan 30 dan ortiq murojaatlar bo‘ldi. Murojaatlarning 15 dan ortig‘iga huquqiy tushuntirish berildi. Ayrim murojaatlar tegishli tartibda ko‘rib chiqish uchun alohida nazoratga olindi.Tadbir so‘nggida uyma-uy yurgan holda 10 dan ortiq fuqarolarning xonadonlariga kirib borildi hamda ularga o‘zlarini qiziqtirgan masalalari bo‘yicha batafsil huquqiy tushuntirishlar berildi. Shuningdek, fuqarolarga O‘zbekiston Respublikasining “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi Qonun mazmun mohiyati bo‘yicha tushunchalar berildi.